کراچی ۔ 24 مئی (اے پی پی) وزیراعظم عمران خان جمعہ کوں ہک ڈینھ دے دورے تے کراچی پج گن۔ وفاقی وزیر برائے بحری امور علی زیدی، مشیر تجارت عبدالرزاق داود اتے معاون خصوصی نعیم الحق وی انہاں دے کٹھے ہن۔ وزیراعظم نال کراچی دی تاجر برادری دے وفد دی ملاقات تھیسی۔ وزیراعظم سندھ اچ نواں پاکستان ہاوسنگ پروگرام جاری کرنڑ دے حوالے نال اجلاس دی صدارت کریسن۔ سندھ توں اتحادی جماعتاں دے وفد نال ملاقات وی وزیراعظم دی مصروفیات دا حصہ ہے۔ وزیراعظم عمران خان شوکت خانم میموریل کینسر ہسپتال دی عطیات مہم سانگے منعقدہ افطارڈنر اچ بطور مہمان خصوصی شرکت کریسن۔
