اسلام آباد ۔ 30 مئی (اے پی پی)وزیراعظم عمران خان 14 ویں اوآئی سی سربراہ اجلاس اچ شرکت کیتے خمیس کوں سعودی عرب روانہ تھی گن ۔ سربراہ اجلاس 31 مئی کوں تھیسی ۔ دفتر خارجہ توں جاری بیان دے مطابق سربراہ اجلاس اوآئی سی رکن ملکاں کوں اپنڑی گال تے اسلامی ملکاں دے مفاد تے مبنی سیاسی ، معاشی اتے سلامتی متعلق امور تے غور دا قیمتی موقع ڈیونڑ دا اہم پیلٹ فارم اے ۔ وزیراعظم بئے معاملات دے علاوہ امہ دے اتحاد ویکجہتی دے ناگزیر تقاضے اتے جموں وکشمیردے جھیڑے، اسلام مخالف ودھدے رجحانات، تعلیم اتے سائنسی ترقی جیہوجے امور کیتے حمایت تے توجہ ڈیسن ۔ 2019ءاوآئی سی دے قیام دی 50ویں سالگرہ دا سال وی اے۔ 1969ءاچ قائم تھیونڑ آلی او آئی سی اقوام متحدہ دے بعد دنیا دی ڈوجھی وڈی بین الاقوامی تنظیم اے جیں اچ ہک چوتھائی توں ودھ لوک شامل ہن جیں دا مجموعی جی ڈی پی 19.4 ٹریلین اے۔ بانی ارکان اچوں ہک دی حیثیت نال پاکستان مسلماناں کوں آندے مسئلے نشابر کرنڑ تے تنظیم کوں فعال بنڑاونڑ اچ کردار ادا کیتے۔ اوآئی سی اپنڑیاں قرارداداں، اعلامیں اتے مراسلیں دے ذریعے جموں تے کشمیر تے پاکستان دے موقف دی ہمیشہ حمایت کیتی اے ۔
