وزیراعظم ملکی ترقی اتے عوامی فلاح تے بہبود سانگے ہر ممکن اقدامات کر یندی پئی ہے وزیراعظم دے معاون خصوصی امور نوجوانان عثمان ڈار دی نجی ٹی وی چینل نال گالھ مہاڑ

اسلام آباد ۔ 16 مئی (اے پی پی) وزیراعظم دے معاون خصوصی امور نوجوانان عثمان ڈار آکھیے جو وزیراعظم ملکی ترقی اتے عوامی فلاح تے بہبود سانگے ہر ممکن اقدامات کریندے پن ۔ ہک نجی ٹی وی چینل نال گالھ مہاڑ کریندے ہوئیں انہاں آکھیاجو حکومت ملک دے غریباں کوں شیلٹر ہومز ڈیندی پئی ہے اتے عام بندے دی زندگی دے معیار اچ چنگائی سانگے احساس پروگرام دا اعلان وی کیتے ۔ انہاں آکھیا جو اپوزیشن احتساب توں بچنڑ سانگے شور مچیندی پئی ہے، پیپلز پارٹی تے مسلم لیگ ( ن) ڈوہائیں اپنڑے اپنڑے دور حکومت اچ قومی دولت کوں بے دردی نال لوٹیا اتے ڈوہائیں جماعتاں وڈی کرپشن کیتی۔ انہاں آکھیا جوڈوہائیں جماعتاںاحتساب دے عمل توں ڈریاں ہوئیاں ہن۔ عثمان ڈار آکھیا جو گزریل حکومتاں موجودہ حکومت سانگے ودھ سارے قرضے چھوڑ گئیاں،تاں جو وزیراعظم عمران خان دی ایماندار اتے ایکٹو قیادت اچ حکومت ملک کوں انہاںقرضیاں توں باہر کڈھیسی۔ انہاں دا آکھنڑ ہا جو ڈوہائیں جماعتاں ملک دی وگڑی ہوئی معاشی حالت دی ذمہ دار ہن ۔