اسلام آباد ۔ 21 مئی (اے پی پی) وزیرخارجہ شاہ محمودقریشی وفاقی وزیر سردار علی محمد مہر دے انتقال اتے پاکستان پیپلز پارٹی دے رہمناءقمرزمان کائرہ دے جوان پتر دے ٹریفک حادثے اچ جاں بحق تھیونڑ تے ڈکھ دا اظہار کیتے ۔ منگل کوں جاری بیان دے مطابق وزیرخارجہ آکھیا جو انہاں کوں رکن قومی اسمبلی غوث بخش مہر بذریعہ فون وفاقی وزیر سردار علی محمد مہر دے انتقال دی اطلاع ڈتی اے ، سردار علی محمد مہر دے انتقال تے بہوں ڈکھ تے افسوس تھئے ۔انہاں آکھیا علی محمد مہر ہک منجھے ہوئے سیاستدان اتے خلیق شخصیت دے مالک ہن ۔ وزیر خارجہ مرحوم دی مغفرت اتے اچے درجے دی دعا کیتی تے وفاقی وزیر دے لواحقین نال اظہار تعزیت کیتے ۔ وزیر خارجہ مخدوم شاہ محمود قریشی پیپلز پارٹی پنجاب دے صدر اتے سینیئر سیاستدان قمر الزمان کائرہ کوں ٹیلیفون کیتا تے انہاں دے پتر دے انتقال تے تعزیت کیتی اے ۔وزیر خارجہ قمر زمان کائرہ دے مرحوم پتر کیتے اچے درجے تے لواحقین کیتے صبر دی دعا کیتی ۔
