اسلام آباد ۔ 19مئی (اے پی پی) وزیرخارجہ شاہ محمودقریشی آکھیے جو پاکستان کویت نال اپنڑے دیرینہ ،برادرانہ تعلقات کوں اقتصادی شراکت داری نال بیا مستحکم کرنڑ چاہندے،ڈوہاں ملکاں ہر اوکھے سوکھے ویلھے ہک بئے دا ہتھ ونڈائے۔ اے گالھ انہان کویت اچ کویت دے نائب وزیراعظم و وزیر خارجہ شیخ صباح خالد الحماد الصباح نال ملنڑ ویلھے آکھی اتے اہم علاقائی و باہمی امورتے الوایا۔ وزیر خارجہ مخدوم شاہ محمود قریشی کویتی ہم منصب کوں رمضان دی مبارک ڈتی اتے آکھیا جو پاکستان دی حکومت اتے عوام کویت نال دیرینہ ،برادرانہ ڈو طرفہ تعلقات کو ں قدر دی دیدنال ڈیہدن،اجوکی پاک بھارت کشیدگی اچ پاکستان دے موقف دی حمایت اتے اقوام متحدہ دی سیکیورٹی کونسل دے غیر مستقل ممبروونڑ سانگے ہندوستان دی مقبوضہ جموں وکشمیر اچ انسانی حقوق دی سنگین خلاف ورزیاں دے خلاف آوازچاونڑ تے مشکور ہیں۔انہان کویت دی مارکیت تئیں رسائی، ویزہ پابندیاں پاکستانی تاکین وطن دے امور تے الوایا۔کویتی وزیر خارجہ ،مہمان وزیر خارجہ کون یقین ڈدیوائے جو اوپاکستان دے تحفظات دور کرنڑ کیتے ہر ممکن اتے فوری اقدامات کریسن۔
