لاہور۔30 مئی(اے پی پی )وزیر اعلی پنجاب سردار عثمان بزدار نال اسلام آباد اچ وزیر اعظم دی معاون خصوصی اطلاعات ڈاکٹر فردوس عاشق اعوان خمیس کوں ملاقات کیتی۔ وزیراعلیٰ عثمان بزدار ایں موقع تے گالھ مہاڑ کریندے ہوئیں آکھیا جو قومی وسائل تے ڈاکہ مارنڑ دا دور کڈاہیں واپس کائنان آوسی ، منصوبیں دی آڑ اچ کرپشن کرنڑ آلے ملک تے قوم دے مجرم ہن، پچھلے حکمراناں شو شپے دے منصوبیں اچ قومی وسائل برباد کیتے اتے قومی وسائل ہک بئے کوں ونڈ تے ذاتی تجوریاں بھریاں گئیاں، لوٹ مار کرنڑ آلیاں کوں حساب ڈیونڑ پوسی، کرپٹ عناصر دے خلاف بلاامتیاز احتساب نال پاکستان اگی تے ودھسی۔ ۔ ڈاکٹر فردوس عاشق اعوان آکھیا جو وزیر اعلی عثمان بزدار پنجاب اچ عوام دی وڈی خدمت کر یندے پن، اپوزیشن دا کرپشن تے مٹی پاونڑدا بیانیہ ہے اتے اپوزیشن جماعتاں کوں پاکستان دے عوام دے مسئلیاں دی کوئی پراوہ کائنی ۔ انہاں آکھیاجو ایہ جماعتاں عوامی مسئلیاں اچ ودھارے دی ذمہ دار ہن اتے ہنڑ خواہ مخواہ دا شور مچیندیاں پن۔انہاں آکھیا جو حکومت عوام دے مسئلیاں دے حل سانگے ہر ممکن اقدام کریندی پئی ہے۔
