وزیر خارجہ او آئی سی وزرائے خارجہ کونسل دے اجلاس اچ شرکت کیتے سعودی عرب روانہ

اسلام آباد ۔ 28 مئی (اے پی پی) وزیر خارجہ مخدوم شاہ محمود قریشی منگل کوں سعودی عرب اچ منعقد تھیونڑ آلے او آئی سی دے وزرائے خارجہ اجلاس اچ شرکت کیتے سعودی عرب روانہ تھی گن ۔ او آئی سی وزرائے خارجہ اجلاس اچ سربراہ اجلاس دے ایجنڈے کوں حتمی شکل ڈتی ویسی ۔ وزیر خارجہ اتھاں او آئی سی وزرائے خارجہ اجلاس اچ آئے ہوئے مختلف ملکاں دے وزرائے خارجہ/اہم شخصیات نال ملاقاتاں وی کریسن ۔ وزیر خارجہ او آئی سی وزرائے خارجہ اجلاس اچ مسلم امہ کوں درپیش چیلنجز تے پاکستان دا موقف دنیا دے سامنڑے رکھیسن ۔واضح رہے جو سعودی عرب دے فرمانروا شاہ سلمان بن عبدالعزیز دی سربراہی اچ تھیونڑ آلے او آئی سی دے 14ویں سربراہ اجلاس دا عنوان ” مکہ سمٹ،مستقبل کیتے کٹھ “ اے جیں دا مقصد اسلامی دنیا کوں درپیش مسلیں تے ہک سانجھا موقف اختیار کرنڑاں اے ۔ وزیراعظم عمران خان اسلامی ملکاں دی تنظیم ( او آئی سی) دے چوڈہویں اسلامی سربراہ اجلاس اچ شرکت کریسن۔سعودی عرب دی میزبانی اچ اے سربراہ اجلاس مکہ مکرمہ اچ 31 مئی کوں تھیندا پئے ۔