اسلام آباد ۔ یکم مئی (اے پی پی) وزیر خارجہ شاہ محمود قریشی انٹرنیشنل لیبرڈے دے موقع تے اپنڑے ہک پیغام اچ آکھیے جوپاکستان تحریک انصاف دی حکومت مزدرواں دی جدوجہد کوں منیندی ہے اتے یقین رکھیندی ہے جو تبدیلی دے سفر اچ اوہ چنگا کردار ادا کرسگدن۔ یوم مئی دی مناسبت نال وزیرخارجہ آکھیا جو پچھلی حکومتاں مزدوراں کوں نظراندازکیتا۔ ذوالفقارعلی بھٹو دا روٹی ، کپڑا اتے مکان دا نعرہ انہاں دے نال ہی دفن تھی گیا۔ انہاں آکھیا جوساری دنیا دے محنت کش جدوجہد اچ مصروف ہن اتے اج دا ڈینھ اساکوں شکاگو دے مزدوراں دی قربانیاں دی یاد ڈیوںڈ۔ وفاقی وزیر آکھیا جو پی ٹی آئی حکومت مزدوراں دی ترقی اتے حالات زندگی اچ چنگائی سمیت انہاں دی آمدن اچ ودھارے سانگے پرعزم ہے۔
