بشکک ۔ 22 مئی (اے پی پی) وزیر خارجہ شاہ محمود قریشی آکھیے جو چین اساڈا عزیز ترین دوست اتے انتہائی مضبوط شراکت دار اے پاک چین دوستی اساڈی خارجہ پالیسی دا اہم ستون اے، اساکوں قومی سلامتی دے معاملات ہوون یا علاقائی امن و استحکام دی گال ہووے تاں چین دا کردار ہمیشہ قابل تحسین رہ گے۔اے گال انہاں بدھ کوں شنگھائی تعاون تنظیم دی وزرائے خارجہ کونسل دے اجلاس دے موقع تے اپنڑے چینی ہم منصب مسٹر وانگ ژی نال خصوصی ملاقات اچ آکھی اے ۔ملاقات دے دوران ڈو پاسے تعلقات،خطے اچ امن و امان دی صورتحال سمیت بئے سانجھی دلچسپی دے امور تے گال مہاڑ کیتی گئی ۔ملاقا ت اچ وزیر خارجہ نے شاہ محمود قریشی آکھیا جو چین اساڈا دوست اتے انتہائی مضبوط شراکت داراے۔ انہاں آکھیا اساکوں قومی سلامتی دے معاملات درپیش ہوون یا علاقائی امن و استحکام دی گال ہووے چین دا کردار ہمیشہ قابل تحسین رہیے ۔ مخدوم شاہ محمود قریشی اپنڑے چینی ہم منصب کوں ڈوجھے بیلٹ اینڈ روڈ فورم دے کامیاب انعقاد تے مبارخ ڈتی ۔وزیر خارجہ مخدوم شاہ محمود قریشی چینی وزیر خارجہ کوں چائنہ دے سترہویں یوم جمہوریہ دی مبارخ ڈتی۔
