وزیر خارجہ مخدوم شاہ محمود قریشی دی امیر کویت شیخ صباح الاحمد الجبر الصباح نال ملاقات

کویت سٹی ۔ 19مئی (اے پی پی) وزیر خارجہ مخدوم شاہ محمود قریشی امیر کویت شیخ صباح الاحمد الجبر الصباح نال مہلین اتے وزیر اعظم عمران خان داامیر کویت کیتے نیک خواہشات دا سنیہا پچائے اتے امیر کویت کوں رمضان شریف دی مبارکباد وی ڈتی۔وزیرخارجہ آکھیا جو پاکستان کویت نال تعلقات کوں اہمیت ڈیندے،انہان کویت اچ راہنڑ آلے پاکستانیاں اتے ویزہ معاملیاں بارے الوایا۔انہاں ویزہ پابندیاں اتے پاکستانیاں دی مشکلات حل کرنڑ کیتے اقدامات دی درخواست کیتی۔انہاں صدر اتے وزیراعظم عمران خان ولوں خصوصی خطوط وی امیر کویت کوں ڈتے۔وزیر خارجہ پاک بھارت کشیدگی ویلھے اقوام متحدہ دی سلامتی کونسل دا غیر مستقل ممبر ہوونڑ سانگے کشمیر اچ بھارت دی انسانی حقوق دیاں سنگین خلاف ورزیاں دے خلاف آوازچاونڑ اتے پاکستانی موقف دی حمایت تے امیر کویت داشکریہ اداکیتے ۔امیر کویت پاکستانی قیادت بالخصوص وزیر اعظم عمران خان کیتے نیک خواہشات دا اظہار کریندے ہوئے کویت اچ راہنڑ آلے پاکستانیاں دے مسلے حل کرنڑ دی یقین دہانی کرائی۔