اسلام آباد ۔ 17 مئی (اے پی پی) وزیر خارجہ مخدوم شاہ محمود قریشی نال جمعہ کوں ہواوے ٹیکنالوجیز دے ایشیاتے مشرق وسطیٰ سانگے صدرچارلس یانگ ملاقات کیتی۔ ایں موقع تے پاکستان اچ ہواوے ٹیکنالوجیز دے سی ای او سیف وی موجود ہن ۔ ملاقات دوران پاکستان اچ موجود سرمایہ کاری دے مواقع سمیت سانجھی دلچسپی دے امور تے گالھ مہاڑ کیتی گئی۔ وزیر خارجہ شاہ محمود قریشی آکھیا جو پاکستان اچ ٹیکنالوجی دے شعبہ اچ سرمایہ کاری دے چنگے مواقع موجود ہن۔ انہاں آکھیا جو ہواوے سمیت ودھ ساریاں کمپنیاں کامیابی نال پاکستان اچ منافع آلا کاروبار کریندیاں پن اتے، حکومت دی چنگیاں کاروباری پالیسیاں توں فائدہ چیندیاں پن۔ صدر ہواوے ٹیکنالوجیز آکھیا جواگلے 5 سالاں اچ پاکستان اچ اپنڑیں سرمایہ کاری اچ ودھارا کریسن جیندی مدد نال روزگار دے ودھ سارے مواقع میسر آوسن۔
