اسلام آباد ۔ 28 مئی (اے پی پی) وزیر مملکت سیفران شہریار خان آفریدی منگل کوں پارلیمنٹ دے باہر میڈیا نال گالھ مہاڑ اچ آکھیا جو پاکستان آزاد تے خودمختار ریاست ہے اتے اپنڑے فیصلے خود کریندے‘ ماضی دے حکمراناں 30 ہزار ارب روپے دا قرضہ گھدا ،جیرھا جو غائب ہے‘ روزانہ قرضیاں دی مد اچ سود 650 ارب روپے ادا کر یندے پئے ہسے‘۔ انشاءاللہ پاکستان 2020ءاچ بحران توں نکلنڑ اچ کامیاب تھی ویسی۔ موجودہ حالات اچ نیب اچ قومی دولت لوٹنڑ آلیاں دے خلاف مقدمے چلدے پن۔انہاں آکھیا جو تحریک انصاف کوں جڈاں حکومت ملی تا ںزرمبادلہ دے ذخائر 15 ڈینھ دے ہن ۔انہاں آکھیا جووفاقی وزیر توانائی دی رمضان شریف اچ لوڈشیڈنگ مکاونڑ اتے بجلی چوری روکنڑ سانگے کارکردگی مثالی ہے۔ انہاں آکھیا جوعیدالفطر افغان مہاجراں دے نال منیساں۔
