اسلام آباد ۔ 28 مئی (اے پی پی)وزیر مملکت پارلیمانی امور علی محمد خان منگل کوں شاہراہ دستور تے تنخواہیں نہ ملنڑدے مسئلے تے صحافیاں ولوں لاتے گئے احتجاجی کیمپ دا دورہ کیتا۔ایں موقع تے انہاں آکھیا جو حکومت صحافی ورکراں دے نال کھڑی ہے‘ وزیراعظم دی معاون خصوصی اطلاعات فردوس عاشق اعوان نال صحافیاں دی تنخواہیں عید توں پہلے ڈیواونڑ بارے گالھ کریساں ۔ اس موقع تے پی ایف یو جے دے صدر افضل بٹ وزیر مملکت کوں صحافیاں کوں درپیش مسئلیاں بارے ڈسایا۔ وزیر مملکت آکھیاجو حکومت صحافی ورکراں دے مسئلے ترجیحی بنیادیں تے حل کریسی۔
