اسلام آباد ۔ 21 مئی (اے پی پی) وفاقی وزیر انسداد منشیات اتے سابق وزیراعلی سندھ علی محمد خان مہر گھوٹکی اچ دل دا دورہ پوونڑ پاروں انتقال کر گن۔علی محمد خان مہر دی عمر 52سال ہئی ،مرحوم قومی اسمبلی دے حلقہ این اے 205توں آزاد امیدوار دی حیثیت نال منتخب تھیونڑ دے بعد انہاں پاکستان تحریک انصاف اچ شمولیت اختیار کیتی ہئی ۔ سیاسی گھرانے نال تعلق رکھنڑآلے سردار علی محمد خان مہر 2002ءتوں 2007ءتئیں سندھ اسمبلی دے رکن رہیے، او 2002ءتوں 2004ءتئیں سندھ دے وزیر اعلیٰ رہیے ۔ علی محمد خان مہر 2008ءاتے 2018ءاچ رکن قومی اسمبلی وی رہیے ۔ او 12 جنوری 1967ءاچ جمیے انہاں دی عمر 52 سال ہئی ۔ سردار علی محمد خان مہر دی نماز جنازہ خانگڑہ اچ انہاں دے آبائی علاقے اچ ادا کیتی ویسی ۔
