اسلام آباد ۔ 17 مئی (اے پی پی) وفاقی وزیر بین الصوبائی رابطہ ڈاکٹر فہمیدہ مرز آ کھیے جوحکومت ملک اچ کھیڈاں دے فروغ سانگے سارے وسائل استعمال کریسی، سپورٹس فیڈریشنز کوں سہولتاں ڈیونڑ سانگے وفاقی حکومت اتے صوبائی حکومتاں دی ذمہ داری ہے ۔ انہاں خیالیں دا اظہار فہمیدہ مرزا گزریل ڈینھ پاکستان سپورٹس بورڈ اچ قومی اسمبلی دی قائمہ کمیٹی بین الصوبائی رابطہ دے اجلاس دے بعد میڈیا نال گالھ مہاڑ کریندے ہوئیں کیتے۔ قومی اسمبلی دی قائمہ کمیٹی بین الصوبائی رابطہ دے اجلاس دی صدارت کمیٹی دے چیئرمین آغا حسن بلوچ کیتی۔ وفاقی وزیر ڈسایا جو اجلاس اچ کرکٹ، ہاکی اتے بئے کھیڈاں دے مسئلیاں دے حوالے نال گالھ مہاڑتھئی ۔انہاں ڈسایا جو کمیٹی دے ارکاناں مختلف سوال وی کیتے،قومی ہاکی ٹیم دی کارکردگی، الیکشن، فنڈز اتے سپانسر توں ملنڑ آلی رقم بارے وی الزام لاتے گن۔
