اسلام آباد ۔ 10 مئی (اے پی پی) وزیر مملکت برائے پارلیمانی امور علی محمد خان آکھیے جوپاکستان اتے افغانستان وچال ترجیحی تجارت دے معاہدے اتے مشترکہ بزنس کونسل دے قیام تے ابتدائی گالھ مہاڑ تھی چکی اے،جے تئیں تعلقات اچ چنگائی نہ آسی سرحد تے اقتصادی زون دا قیام خواب رہسی۔سینیٹ اچ سینیٹر مشتاق احمد، محسن عزیز اتے بئے ارکان دے سوالات دا ولدا ڈیندے انہاں ااکھیا جو 2014ءاچ ترجیحی تجارت دے معاہدے تے گالھ تھئی ہئی،2015ءاچ مشترکہ اقتصادی کونسل دا اجلاس تھئے جیندے اچ مشترکہ بزنس کونسل قائم کرنڑ تے اتفاق کیتا گئے،سیکیورٹی خدشات دے باوجود افغانستان نال تجارت ودھائی ویسی،اٹھ مہینے اچ اساں او کم کیتن جیہڑے سابقہ حکومتاں تریہہ چالہی سال نئیں کرسگیاں،ایں سال افغانستان کیتے برآمدات دا حجم 1305 ملین ڈالر ریکارڈکیتا گئے جیہڑا پچھلے سال 1200 ملین ڈالرہا،افغانستان نال پاکستان دی درآمدات وی ودھی اے۔
