پاکستان اتے چین دی تزویراتی شراکت داری اتے تعاون بیا ودھایا ویسی، وزیر خارجہ

اسلام آباد ۔ 26 مئی (اے پی پی)وزیر خارجہ شاہ محمود قریشی آکھیے جو پاکستان اتے چین دی تزویراتی شراکت داری اتے تعاون بیا ودھایا ویسی،چین پاکستان اقتصادی راہداری منصوبہ ڈوجھے مرحلے اچ پج گئے جیہڑا مقامی آبادیاں کیتے ترقی اتے خوشحالی گھنا ٓسی،چینی نائب صدر دے دورہ نال ڈوہاں ملکاں دے تعلقات بئے مضبوط تھیسن۔اے گالھ وزیر خارجہ شاہ محمود قریشی اسلام آباد اچ سلک روڈ دے دوست فورم نال خطاب اچ آکھی۔انہاںا ٓکھیا جو2019ءچین اتے پاکستان دے باہمی تعلقات دے سال دے طورتے منایا ویسی۔دفتر خارجہ دے مطابق وزیر خارجہ شاہ محمود قریشی چین دے نائب صدر کوں دورہ پاکستان اچ خوش آمدیدکریندے آکھیے جو پاکستانی عوام نال چین دی کئی ڈھاکیاں توں سنگت قابل فخر اے،اے وڈے مانڑ دی گالھ اے ڈوہیں ملکان دیان حکومتاں ہی نئیں عوام وی ہک بئے نال گھاٹے رشتے اچ جڑیے ہوئن،وانگ چی شان ہک عظیم رہنما ہین،انہاں دیاں چین پاکستان تزویراتی تعاون وشراکت داری اچ کردار بہوں مخلصانہ اے،پاک چین سنگت کوں بیا پکا کیتا ویسی اتے اے دوستی بئی اگو تے ودھسی۔انہاںا ٓکھیا جو پاکستان اتے چین ڈو انتہائی بااعتماد دوست اتے شراکت دار ہین، ڈوہیں ملکاں دی سنگت ہکو جھیاں قدراں، تجربات، اہداف، امن وبھائی چارے اتے خوشحالی دی مشترکہ خواہش تے کھڑن،پاکستان اتے چین نویں دور دے آغاز، مستقبل اچ مشترکہ خوشحال ومضبوط جگ کیتے اجتماعی مذاکرے، عملی تعاون کوں مضبوط کرنڑ اتے مل تے کم کرنڑ تے یقین رکھدن۔