اسلام آباد ۔ 9 مئی (اے پی پی)وزیر مملکت برائے محصولات حماد اظہر ایوان بالا کوں ڈسائے جو پاکستان تے 88,199 ملین امریکی ڈالردے غیر ملکی قرضے ہین،آندے پنج سالاں اچ 37 ارب ڈالردی ادائیگی کرنڑی اے،اوسطاً افراط زردی شرح ایں ویلھے 7 فیصد دے نیڑے اے ،غیر ملکی ترسیلات زر ودھائیاں وینداں پن۔سینیٹ اچ سینیٹر طلحہ محموددے سوال دا ولدا ڈیندے حماد اظہرآکھیے جو کل غیر ملکی قرضیاں تے مالی سال 2018-19ءکیتے جنوری 2019ءتئیں سود دی کل رقم 4551.54 ملین ڈالراے جیندے اچ اصل رقم 3256.33 ملین ڈالر اتے سود 1295.21 ملین ڈالراے،2017-18ءاچ 6025.26 ملین ڈالر غیر ملکی قرض ولا ڈتا گئے،ایں سال غیر ملکی ترسیلات زر22 ارب تئیں ویسن۔
