پاکستان سٹاک ایکسچینج اچ تکھائی دا رجحان، کے ای ایس سی 100 انڈیکس اچ 406.56 پوائنٹس ودھارا تھئے

اسلام آباد ۔ 15مئی (اے پی پی) پاکستان سٹاک ایکسچینج اچ بدھ کوں تکھائی دا رجحان رہیا اتے کے ای ایس سی 100 انڈیکس 406.56 پوائنٹس ودھارے دے بعد 34 ہزار 291.65 تے بند تھیا۔ کاروباری سرگرمیاں دوران مجموعی طور تے 4.448 ارب روپے مالیت دے 11 کروڑ 8 لکھ 86 ہزار 460 شئیرز داکاروبار تھیا۔ مجموعی 327 کمپنیاں وچوں 219 کمپنیاں دے حصص اچ ودھارا ، 98 کمپنیاں دے حصص اچ گھٹکی اتے 10 کمپنیاں دے شیئرزاچ کوئی تبدیلی نئیں تھئی۔ کے الیکٹرک، میپل لیف اتے بینک آف پنجاب دے حصص دی وکامت تے خرید ودھ تھئی ۔ رفحان، فلپ مورس پاکستان دے شیئرزدی قیمتاں اچ بالترتیب 310 اتے 162.50 روپے فی حصص دا ودھار اریکارڈ کیتا گیا۔ نیسلے پاکستان اتے شیزان دی قیمتاں اچ بالترتیب 378.50 اتے 23.69 روپے دی گھٹکی ریکارڈ کیتی گئی۔