اسلام آباد ۔ 22 مئی (اے پی پی)وزیرصحت ڈاکٹر ظفرمرزا آکھیے جو پاکستان وچوں پولیو وائر س وختی مکا ڈتا ویسی، بیماریاں دا بھار گھٹ کرنڑ سانگے چنگے اقدام کیتے ویندے پن، ماں تے بال دی صحت ، تولیدی صحت اتے غذائی گھٹکی مکاونڑ تے چنگی توجہ ڈتی ویندی پئی ہے۔ انہاں خیالیں دا اظہار وزیر صحت جنیوا اچ ورلڈ ہیلتھ اسمبلی نال خطاب دوران کیتا۔ انہاں آکھیا جو صحت دا فروغ پاکستان اتے ساری دنیا کوںمحفوظ بناونڑ اتے معاشرے دے پسے ہوئے طبقے دی خدمت وزارت قومی صحت دا نواں مشن ہے۔ وزیر صحت ڈاکٹر ظفر مرزا آکھیا جو پاکستان کوں فلاحی ریاست بناونڑ دے وزیر اعظم دے مشن مطابق پاکستان اچ صحت دے شعبے سانگے تکھے اتے چنگی پیش رفت کرنڑ ہے ۔ انہاں دا آکھنڑ ہا جوپاکستان اچ پرائمری ہیلتھ کیئر اچ چنگائی اتے ایندی پیمائش ورگے اقدامات کر یندے پئے ہسے۔
