پاکستان کویت نال اپنڑے تعلقات کوں اہمیت ڈیندے ،کویت ہر اوکھ اچ پاکستان نال ہتھ ونڈائے،وزیر خارجہ شاہ محمود قریشی

کویت۔ 19مئی (اے پی پی) وزیر خارجہ شاہ محمود قریشی آکھیے جو پاکستان کویت نال اپنڑے تعلقات کوں اہمیت ڈیندے ،کویت ہر اوکھ اچ پاکستان نال ہتھ ونڈائے۔اے گالھ انہاں کویت دے نائب وزیراعظم و وزیر خارجہ شیخ صباح خالد الحماد الصباح ولوں افطار نال خطاب اچ آکھی۔انہان آکھیا جو پاکستان دی حکومت اتے عوام امیر کویت اتے کویتی حکومت کیتے دلی احترام دا جذبہ رکھدن،ہک لکھ توں ودھ پاکستانی تارکین وطن، کویت دی تعمیر و ترقی اچ اپنڑا حصہ پیندے پین۔کویتی وزیر خارجہ شیخ صباح خالد الحماد الصباح آکھیا جو پاکستان ساڈا بھرا اسلامی ملک اے اتے کویت وی پاکستان دی قدر کریندے ،پاکستانی بہوں محنتی اتے جفاکش ہین، کویت کیتے انہاں دیاں خدمات قابلِ تحسین ہین۔