اسلام آباد ۔ 29 مئی (اے پی پی) وزارت مذہبی امور پرائیویٹ سکیم دے تحت حج کوٹے دی الاٹمنٹ دا عمل شروع کر ڈتے جیں دے تحت ابتدائی طور تے 101 پرائیویٹ ٹور آپریٹرز کوں 50 لوک فی کس دے حساب نال حج کوٹہ الاٹ کر ڈتا گے ۔ وزارت مذہبی امور ولوں جاری نوٹیفکیشن دے مطابق حج کوٹہ حاصل کرنڑ آلیاں ساریاں کمپنیاں کوں سروس پروائیڈر ایگریمنٹ سمیت بئے ضروری کوائف جمع کراونڑ دا پابند کیتا گے ۔ ہر ٹور آپریٹر کوں 500 روپے دے اشٹام تے حج معاہدے دی پابندی کرنڑدے حوالے نال بیان حلفی وی جمع کراونڑاں ہوسی۔ کوائف پورا نہ کرنڑتے معاہدے دی خلاف ورزی دی مرتکب کمپنی دے خلاف وزارت مذہبی امور تادیبی کارروائی دی مجاز ہوسی۔
