چیئرمین سینیٹ محمد صادق سنجرانی نال ایم ڈی سوئی سدرن گیس کمپنی محمد وسیم دی ملاقات

اسلام آباد ۔ 17 مئی (اے پی پی) چیئرمین سینیٹ محمد صادق سنجرانی دی ذاتی کوششاں نال چاغی، دالبندین اتے نوکنڈی سانگے منظورگیس پائپ لائن منصوبے تے پیشرفت دے حوالے نال جائزہ گھنڑ سانگے سوئی سدرن گیس کمپنی دے منیجنگ ڈائریکٹر محمد وسیم چیئرمین سینیٹ نال جمعہ کوں ملاقات کیتی۔ ایں موقع تے چیئرمین سینیٹ محمد صادق سنجرانی ہدایات جاری کیتیاں جو ا یہ منصوبے تے وختی کم شروع کیتا ونجے اتے سردیاں دے موسم توں پہلے انہاں علاقیاں کوں گیس یقینی طور تے ڈتی ونجے،تاں جو عوام کوں ریلیف ڈتا ونج جا سگے۔ چیئرمین سینیٹ چاغی، دالبندین اتے نوکنڈی کوں گیس فراہم کرنڑ سانگے ترجیحی بنیادیں تے اقدامات کرنڑ دی ہدایات جاری کیتیاں۔