چیف جسٹس آصف سعید کھوسہ سینٹ پیٹر برگ اچ تھیونڑ آلے عالمی قنونی فورم اچ پاکستان دی نمائندگی کیتی

اسلام آباد ۔ 14 مئی (اے پی پی) چیف جسٹس آصف سعید کھوسہ منگل کوں روس دے شہر سینٹ پیٹر برگ اچ تھیونڑ آلے عالمی قنونی فورم اچ شرکت کرتے پاکستان دی نمائندگی کیتی ہے ۔ 14 توں 18 مئی تئیں جاری رہونڑ آلے ایں اہم فورم اچ ساری دنیاتوں93 توں ودھ ملکاں دے چیف جسٹس صاحبان اتے قنونی ماہرین شریک ہن۔ فورم دا بنیادی مقصد علاقائی اتے عالمی قنونی مسئلیاں دا حل کڈھنڑہے ، ایں دورے دوران چیف جسٹس روس دے سپریم کورٹ دے چیف جسٹس اتے دنیا دے نظام انصاف نال تعلق رکھنڑ آلیاں شخصیات نال ملاقاتاں وی کریسن۔