اسلام آباد ۔ 6 مئی (اے پی پی) گزشتہ حکومت ولوں خسارے اچ چلنڑ آلے فیڈرز کوں بجلی ڈیونڑ دی وجہ نال 806 ارب روپے دے گردشی قرضیاں داسامنڑاں ہے، اساں چار مہینے اچ 51 ارب روپے دی وصولیاں کیتیاں ہن ، جنہاں علاقیاں اچ چوری تے قابو تھی ویندے اتھاں بجلی ڈیونڑ شروع کر ڈتی ویندی ہے۔ سنوار کوں قومی اسمبلی اچ وقفہ سوالات دوران علی گوہر خان دے سوال دے جواب اچ وزیر توانائی عمر ایوب خان آکھیا جو اساں بجلی چوراں کوں پکڑن دی مہم شروع کیتی ہوئی ہے۔ فیصل آباد سمیت بئے سارے علاقیاں دے فیڈرز مکمل اعداد و شمار ڈے سگدن۔ ہک فیڈر توں بجلی چوری بئے فیڈر تے منتقل کرنڑ تے مکمل پابندی لاتی ہوئی ہے۔ اساں مانیٹرنگ کر یندے پئے ہسے۔ انہاں آکھیا جو فیسکو اچ ٹرانسفارمر دی ودھ تعداد موجود ہے۔ گزریل سال لائن لاسز 19.5 فیصد ہن۔ کمرشل نقصان 10 فیصد ہن۔ ڈاکٹر مہرین رزاق بھٹو دے ضمنی سوال دے جواب اچ وزیر توانائی عمر ایوب خان آکھیا جو 11 ستمبر 2018ءکوں وزارت دا چارج سانبھنڑ دے بعد حفاظتی اقدامات تے ماسٹر ٹرینرز اتے بئے حفاظتی ساز و سامان تے توجہ ڈتی گئی۔انہاں آکھیا جو عبدالحمید‘ محمد اسحاق شاہ‘ علی اصغر علی اتے سلیم رضا ڈیوٹی دوران حادثے دا شکار تھئے۔ مرحومین دے لواحقین کو ںزرتلافی ڈیسوں اتے ایں سانگے تفصیل ڈیسوں۔ ہک بئے ضمنی سوال دے جواب اچ انہاں آکھیا جو ٹیوب ویلاں سانگے ٹرانسفارمرز دی خریداری جاری ہے وختی ایہ مسئلہ حل تھی ویسی ۔
