مشیر خزانہ ڈاکٹر عبدالحفیظ شیخ دا پوسٹ بجٹ پریس کانفرنس توں خطاب

اسلام آباد ۔ 12 جون (اے پی پی) وزیراعظم دے مشیر خزانہ ڈاکٹر عبدالحفیظ شیخ بدھ کوں پوسٹ بجٹ پریس کانفرنس توں خطاب کریندے ہوئیں آکھیا جوبرآمدات سانگے زیرو ریٹنگ دا نظام برقرار راہسی، اساڈی ڈومیسٹک مارکیٹ اچ ٹیکسٹائل دی سیلز دا اندازہ تقریباً 1200 ارب روپے ہے،جیں توں صرف 6 توں 8 ارب روپے ٹیکس کٹھا تھیندے،جیرھا جوایہ ملک تے قوم سانگے چنگا کائنی ہے، برآمدی شعبہ تے ٹیکساں دے حوالے نال کوئی تبدیلی نی کیتی گی ، اساں برآمد کننداں کوں بی مدد کریسوں ۔ انہاں آکھیا قومی ذمہ داری ادا کریندے ہوئیں ساریاں کوں ٹیکس ڈیونڑ چاہیدے۔ انہاں آکھیا وڈا ایریا ہے جتھوں ٹیکس کٹھا کنڑ پوسی،اوہ برآمدی شعبہ دی مقامی سیلز ہن۔ انہاں آکھیا جوبرآمدات تے زیرو ریٹنگ ہے کوئی ٹیکس کائنی، ایہ نظام برقرار راہسی، لیکن اگر تساں برآمدات کر یندے ہیوے اتے مصنوعات دی وکامت ملک اچ کر یندے ہیوے تاں تو باقی لوکاں آلی کار تساں وی ٹیکس ڈیسو، لیکن برآمدات تے کوئی ٹیکس کائناں ہوسی۔ انہاں آکھیا جوبرآمدی شعبہ تے ٹیکس دے حوالے نال کوئی تبدیلی نی کیتی گی ،بلکہ اساں برآمد کننداں کوں بی مدد کریسوں۔