اسلام آباد ۔ 14 جون (اے پی پی) فیڈرل بورڈ آف ریونیو آکھیے جواثاثے ظاہر کرنڑ دی سکیم توں فائدے گھنڑ دی چھیکڑی تریخ 30 جون 2019ءہے،اتے ایہ ودھائی کائناں ویسی۔ ایف بی آر آکھیے جولوکیں کوں تاکید کیتی ویندی ہے جو اوہ ایں سکیم توں فائدے چاونڑ اتے اپنڑے غیر اعلا نیہ اتے غیر ظاہر شدہ اثاثے تے خرچ دی باوثوق معلومات ایف بی آر کوں ڈیونڑ ۔ ایف بی آر مطابق بورڈ کنوں معلومات دی رسائی ہے۔ بجلی اتے گیس دی تقسیم کار کمپنیاں توں صنعتی اتے کمرشل گیس تے بجلی صارفین دا ڈیٹا ایف بی آر کوں مل گئے ،تاں جو انہاں لوکیں دی نشاندہی تھی سگے سکے جنہاں تے ٹیکس لاگو تھیندے اتے اوہ ٹیکس نی ڈیندے ۔ سارے کمرشل بینکاں اتے ایف بی آر وچال ودہولڈنگ ٹیکس اتے بی معلومات خاص کر نان فائیلرز توں متعلق معلومات دی رسائی تے مکمل تعاون دستیاب ہے۔ فنانس بل2019ءاچ واضح درج ہے جو ایسیٹس ڈیکلیریشن سکیم دی مدد نال اثاثے اتے خرچ ظاہر کرنڑ آلیاں دے خلاف کوئی قنونی کاروائی کائناں تھیسی اتے انہاں دے ظاہر کیتے گئے اثاثیاں کوں وی راز اچ رکھیا ویسی ۔
