اسلام آباد ۔ 27 جون (اے پی پی) افغان صدر اشرف غنی وزیراعظم عمران خان دی دعوت تے خمیس دی سویل پاکستان دے ڈو ڈینھ دے سرکاری دورے تے اسلام آباد پج گن ۔ افغان وزرائ، مشیران، سینئر عہدیداران اتے کاروباری شخصیات سمیت اعلیٰ سطح دا وفد وی انہاں دے رلے ہے۔ نور خان ایئر بیس آمد تے وزیراعظم دے مشیر تجارت عبدالرزاق داﺅد انہاں دا استقبال کیتا۔ ترجمان دفتر خارجہ ولوں جاری بیان دے مطابق افغان صدر اپنڑے دورے دے دوران صدر مملکت ڈاکٹر عارف علوی نال ملاقات جڈاں جو وزیراعظم عمران خان نال وفد دی سطح تے مذاکرات کریسن۔ ڈوہیں پاسوں گال مہاڑ اچ سیاسی، تجارتی، معاشی، سکیورٹی، امن و مفاہمت، تعلیم اتے عوامی سطح تے تبادلیں سمیت مختلف شعبیں اچ ڈو پاسے تعاون کوں تقویت ڈیونڑ تے توجہ ڈتی ویسی ۔ صدر اشرف غنی لاہور دا دورہ وی کریسن جتھاں اوبزنس فورم اچ شریک تھیسن جیں اچ ڈوہیں ملکاں دے کاروباری نمائندے موجود ہوسن ۔اے افغان صدر دا پاکستان دا تریجھا دورہ اے تے ہنڑیں ہی امن و استحکام کیتے افغانستان ،پاکستان ایکشن پلان دے پہلے جائزہ اجلاس دے بعد اے دورہ کیتا ویندا پئے۔
