قاہرہ۔ 19 جون (اے پی پی) اقوام متحدہ مصر دے سابق صدرڈاکٹر محمد مرسی دکی عدالت اچ سماعت ویلھے تھیونڑ آلے انتقال دی تیکھے اتے مکمل تحقیقات دا مطالبہ کیتے۔اقوام متحدہ دے انسانی حقوق دے معاملات دے ہائی کمشنر دے ترجمان روپرٹ ولیولے ولوں ڈسائے جو حراست اچ حٓدثاتی موت توں بعد ہک خود مختار ادارہ توں موت دی وجوہات بارے منصفانہ اتے مکمل شفاف پڑتال تھیونڑی چاہیدی اے،انہاں مرسی دی دوران حراست صحت اتے ناکافی طبی ڈیکھ بھال بارے وی تحفظات دا اظہار کیتے۔مرسی دی سیاسی جماعت اخوان المسلمین ایکوں قتل قرار ڈتے جڈاں جو ترکی دے صدر رجب طیب اردگان محمد مرسی دی موت دا الزام مصر دے ’غاصباں‘تے لائے۔ قطر دے امیر شیخ تمیم بن حماد ال ثانی وی ایں موت تے افسوس کیتے۔ایمنسٹی انٹرنیشنل دی ڈپٹی ڈائریکٹر برائے مشرقِ وسطیٰ اتے شمالی امریکہ موجب مسی دی موت قید تنہائی دےا ثرات پاروں تھئی اے۔مرسی سنوار کوں مصر دی عدالت اچ دوران پیشی اپنڑا موقف ڈیونڑ توں بعد بے ہوش تھی گئے ہن اتے ولا انتقلا کر گئے۔ مصر دے صدر جنرل عبدالفتح السیسی منتخب صدر محمد مرسی کوں 2013 ءاچ اقتدارتوں لہا تے قید کر ڈتا ہا۔
