امریکی نمائندہ خصوصی برائے افغانستان, سفیر زلمے خلیل زاددا دورہ پاکستان، وزارت خارجہ اچ مذاکرات

اسلام آباد ۔ 2 جون (اے پی پی) امریکی نمائندہ خصوصی برائے افغانستان, سفیر زلمے خلیل زاد پاکستان دے مختصر دورے تے آئے ہوئے ہین جتھاں انہاں وزارت خارجہ دا وی دورہ کیتے اتے وفود دی سطح تے پاک، امریکا ڈوطرفہ مشاورتی اجلاس اچ شرکت کیتی۔امریکی وفد دی قیادت ایمبیسیڈر زلمے خلیل زاد جڈاں جو پاکستانی وفد دی قیادت ایڈیشنل سیکرٹری وزارتِ خارجہ ایمبیسیڈر آفتابِ کھوکھر کیتی۔مذاکرات اچ ڈو طرفہ تعلقات،خطے اچ امن و امان دی صورتحال،افغان امن عمل سودھاباہمی دلچسپی دے امورتے الوایا گئے۔ایڈیشنل سیکرٹری آفتاب کھوکھر آکھیا جو پاکستان،وزیراعظم عمران دے ویژن دے مطابق، افغان امن عمل سودھاخطے اچ قیام امن کیتے مصالحانہ کردار ادا کریندا راہسی۔پاکستان فریقین کوں خطے اچ ڈھاکیاں توں جاری محاذ آرائی مکاونڑ کیتے مسلے دے سیاسی حل تے زور ڈتے جوخطے اچ دیرپا قیام امن کیتے پاکستان دا کردار بہوں اہم اے۔امریکی وفد اچ امریکی محکمہ دفاع و اسٹیٹ ڈپارٹمنٹ دے نمائندگان اتے پاکستانی وفداچ وزارتِ دفاع و وزارتِ خارجہ دے سینیئر حکام شامل ہن۔