اسلام آباد ۔ 22 جون (اے پی پی)امیر قطر شیخ تمیم بن حمدالثانی ڈو ڈینہہ دے سرکاری دورے تے اسلام آباد آئے ہوئن،قطر دے وزیراں اتے بئے اعلیٰ حکام دا وفد وی انہاں دے نال اے۔امیر قطر شیخ تمیم بن حمدالثانی دا اقتدار سنبھالنڑ توں بعد پاکستان دا ڈوجھا دورہ اے۔ایں توں پہلے امیر قطر مارچ 2015اچ پاکستان دا دورہ کیتا ہا۔امیر قطر اپنڑے دورے دے دوران صدر مملکت ڈاکٹر عارف علوی ،وزیراعظم عمران خان سودھے بیاں اہم شخصیتاں نال وی ملسن جڈاں دورے اچ پاکستان اتے قطر وچال تجارت، سرمایہ کاری،افرادی قوت سودھے بئے اہم شعبیاں اچ مفاہمت دی یاد داشتاں تے دستخط تھیسن جیندے نال ڈو طرفہ تعلقات کوں بیا ودھارا ملسی۔
