اسلام آباد ۔ 26 جون (اے پی پی) وفاقی وزیر مواصلات مراد سعید آکھیے جو اپوزیشن جماعتاں جتلا مرضی اے پی سی کرگھنن انہاں کوں این آر اونہ ملسی۔ پارلیمنٹ ہاﺅس دے باہرو میڈیانال الویندے ہوئے انہاں آکھیے جو اپوزیشن حکومت تے دباﺅسٹنڑ کیتے اے پی سی کرائی اے تاں جو چوری بچاونڑ کیتے این آر اومل سگے،وزیراعظم واضح کرڈتے جو قومی دولت لٹنڑ آلیاں کوں کہیں صورت این آر او نہ ملسی،حکومت تے اینجھی کہیں وی اے پی سی دا کوئی اثرنہ پوسی، منی لانڈرنگ اتے بئے طریقاں نال لٹی گئی قومی دولت کوں ضرور قومی خزانہ اچ ولا گھن آیا ویسی۔
