اسلام آباد ۔ 12 جون (اے پی پی) وزیراعظم دے خصوصی معاون امور نوجواناں عثمان ڈار آکھیے جو اپوزیشن جماعتاں دا کوئی واضح ایجنڈا کائنی او صرف پاکستان تحریک انصاف دی حکومت کوں ختم کرنڑ چاہندن۔ بدھ کوں ہک نجی ٹی وی چینل نال گال مہاڑ کریندے ہوئیں عثمان ڈار آکھیے جو حزب اختلاف دیاں جماعتاں دی قیادت ذاتی مسلیں تے چیکدی پئی اے او احتساب توں بچنڑ چاہندی اے۔انہاں آکھیا حکومت قومی دولت دی لٹ مار کرنڑ آلیں دے کوں قانون دے سامنڑے پیش کرنڑ کیتے ہر ممکن اقدامات کریندی پئی اے ، پاکستان پیپلزپارٹی اتے مسلم لیگ (ن) دی قیادت دے خلاف کیس گزریل حکومتاں دے دورا اچ رجسٹرڈ کیتے گے ۔انہاں آکھیا ملک دے سارے ادارے آزادانہ کم کریندے پن تے او کہیں وی پاکستانی شہری دے خلاف تحقیقات کر سگدن۔انہاں آکھیاوزیراعظم عمران خان بین الاقوامی سطح تے ملک دی عزت ودھاونڑ کیتے سخت محنت کریندے پن او وقت پرے کائنی جڈاں بحران تے تے مسلیں تے قابوکر گھدا ویسی۔
