اپوزیشن جماعتاں کھنڈپنڈگین،6مہینے اچ ملک دی معاشی حالت وٹیج ویسی،وفاقی وزیر سائنس و ٹیکنالوجی چوہدری فواد حسین دی پریس کانفرنس

اسلام آباد ۔ 30 جون (اے پی پی) وفاقی وزیر سائنس و ٹیکنالوجی چوہدری فواد حسین آکھیے جو اپوزیشن کھڈ پنڈ گئی اے،بلاول اتے شہباز شریف وزیراعظم کوں سلیکٹڈ قرار ڈیونڑ اچ لگے رہین اتے اساں بجٹ منظور کرا گھدے،مسلم لیگ چاچا بھتریجی داجھیڑا پارٹی بنڑ گئی اے اتے شہباز شریف دی پارتی اچ وی کوئی نئیں سنڑدا،نااہل ٹبر آپس اچ بھڑ پئے،عمران خان دی اگوانڑی اچ تھیونڑ آلی ترقی پاروں لوک 1960 ءدا ڈھاکا وی بھل ویسن۔اسلام آباد اچ پریس کانفرنس کریندے ہوئے انہاں آکھیے جو پاکستان دے تعلقات، امریکا اتے افغانستان نال چنگے تھین،یورپی یونین نال 25 سال بعد سائنس و ٹیکنالوجی اچ رابطے بحال تھین،معیشت دا اصل چیلنج ٹیکس وصولیاں ہین بھل خارجہ سطح اتے معاشی میدان اچ چنگیاں خبراںآندیاں پین جیہڑی اپوزیشن کیتے بھیڑی گالھ اے۔انہاںا ٓکھیے جو شہبازشریف قائد حزب اختلاف دے علاوہ ساریاں کمیٹیاں توں استعفیٰ ڈے ڈتے او اصلوں اپوزیشن دا اوکھ دے لیڈر نئیں تہوں مریم نواز پارٹی تے شب خون مار ڈتے اتے مسلم لیگ ن اچ ہنڑ مریم نواز دا بیانیہ چلدے، مریم نوازاو تریمت اے جین پہلے پیو کوں نااہل کرائے،ول چاچے نال بھڑ تے پارٹی تے قبضہ جما گھدے، مریم نوازدی نیت کوں ڈیہدے ہوئے مسلم لیگ ن دے لوک پارٹی چھوڑی ویندن،تریک گواہ اے جین وی مریم دی گالھ منی اے او تباہ ہی تھئے۔انہاں آکھیے جو چیئرمین سینٹ کوں ہٹاونڑ سوکھ اے نہ ہی اوں اپوزیشن دے وس دی گالھ جیہڑی ٹکے ٹوکری تھئی ودی اے۔