اسلام آباد ۔ 26 جون (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو اے پی سی دی شاہکار فلم سکرین تے آونڑ توں پہلے لہہ گئی اے ۔ مفادات دی قیدی قیادت ہر واری مولانا کوں سڈ تے انہاں دی کرسی چھک گھندی اے ۔اے پی سی کاٹھی دی بھاجی اے ،چوک دے اندر ترٹ ویسی ، مولانا صاحب نال دلی ہمدردی اے کیوں جو اپوزیشن دے ہینڑیں مونڈھے انہاں دی سیاسی محرومی دا بوجھ چاونڑ کوں تیار کائنی ۔بدھ کوں اپوزیشن دی کل جماعتی کانفرنس دے حوالے نال اپنڑے ٹویٹ اچ انہاں آکھیا جو حکومت کوں اپوزیشن توں کوئی خطرہ کائنی ،اپوزیشن کوں اپوزیشن توں خطرہ اے ۔ ڈاکٹر فردوس عاشق اعوان آکھیا جو مولانا فضل الرحمان دے ایں منصوبے دا نتیجہ اوہو نکلسی جیرھا انہاں دے الیکشن ایڈونچر دا نکلیا ہئی ۔ اے پی سی دی ناکامی دے بعد مولانا صاحب آندے چار سال کیتے خود کوں صرف دین دی خدمت کیتے وقف کرڈیون۔
