بجٹ منظور نہ تھیونڑ دا اعلان کرنڑ آلے وفاق اتے صوبیں دی ترقی کیتے سنجیدہ کائنی ،ڈاکٹر فردوس عاشق اعوان

اسلام آباد ۔ 18 جون (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو بجٹ منظور نہ تھیونڑ دا اعلان کرنڑ آلے وفاقی تے صوبیں دی ترقی کیتے سنجیدہ کائنی ، حکومت سندھ کیتے ماضی دے مقابلے اچ 200ارب روپے ودھیک رکھین ، بلوچستان اتے خیبرپختونخوا اچ ضم تھیونڑ آلے قبائلی ضلعیں دی ترقی کوں خاص ترجیح ڈتی گئی اے ۔اپوزیشن ارکان بجٹ سنڑیے تے نہ ہی پڑھیے ،ولا کیرھی بنیاد تے اینکوں عوام دشمن قرار ڈیندے پن ۔منگل کوں اپنڑے ٹویٹ اچ انہاں آکھیا جو ملکی معیشت تباہی آلے پاسے پجاونڑ آلے ہنڑ عوام دا مزید تیل کڈھنڑ چاہندن ،، نومولود سیاستدان سیاسی بلوغت توں عاری ہن ،انہاں کوں اے ادراک کائنی جو اے بجٹ سندھ سمیت سارے صوبیں دے عوام دے حقوق دے تحفظ دا وی ضامن اے ، سندھ دے بجٹ دا مقدر وفاقی بجٹ نال جڑیا ہویا اے ،عمران خان دی عداوت اچ سندھ دے عوام نال دشمنی نہ کرن ، جیرھیاں سیاسی جماعتاں انتخابات اچ شکست خوردہ مولانا دی خدمات گھندیاں پن ایندے نال اندازہ تھیندے جو عوام انہاں دے رلے کائنی ۔