اسلام آباد ۔ 10 جون (اے پی پی) رکن قومی اسمبلی اسد عمر قومی اسمبلی اچ خیالیں دا اظہار کریندے ہوئیں آکھیا جج دا احتساب تھیوے تاں اینکوں آئین تے حملہ آکھیا ویندے ‘ اگر سیاستدان خلاف کارروائی تھیوے تاں جمہوریت تے حملہ تھی ویندے،اگر مولوی توں پوچھیاونجے تاں اسلام خطرے اچ آویندے‘ ہنڑ ایہ گالھ کائنا ں چلسی ‘ ہم باز پرس کریندے راہسوں۔ انہاں آکھیا جو قائد حزب اختلاف کوں پتہ نی کتھوں اعداد و شمارملدن‘جو 46 ارب ڈالر دی سرمایہ کاری تھی ہے‘ 7 ارب ڈالر دی باہرلی سرمایہ کاری وچوں صرف چار ارب ڈالر چین دی سرمایہ کاری ہے‘ زیادہ تر پیسے قرضے دی شکل اچ آیا‘ چین ولوں گھٹ قیمت تے قرضہ ڈتا گیا‘ سارے پاکستانی ایندے تے چین دے شکر گزار ہن‘ پاکستان اچ ایندے منصوبیں تے انگلیاں چاتی گن۔
