حکومت سندھ عوام کوں درپیش مسئلیاں بارے واقف ہے ،وختی صوبہ دا دورہ کریساں،وزیراعظم عمران خان نال حیدرآباد، لاڑکانہ، سکھراتے میرپور خاص ڈویژن دے قومی اسمبلی دے ارکاناں دی ملاقات

اسلام آباد ۔ 12 جون (اے پی پی) وزیراعظم عمران خان بدھ کوں حیدرآباد، لاڑکانہ، سکھراتے میرپور خاص ڈویژن دے قومی اسمبلی دے ارکاناں نال ملاقات کیتی ۔ایں موقع تے عمران خان دا آکھنڑ ہا جو حکومت سندھ عوام کوں درپیش مسئلیاں بارے واقف ہے ،وختی صوبہ دا دورہ کریساں۔ وزیراعظم آفس ولوں جاری بیان مطابق ارکاناں ایں موقع تے آکھیا جو جنہاں لوکاں سرکاری وسائل لوٹے ہیں انہاں دا احتساب تھیونڑ چاہیدے۔ ملاقات کرنڑ آلیاں اچ محمد میاں سومرو، ڈاکٹر فہمیدہ مرزا، غوث بخش مہر، نزہت پٹھان، لعل چند، جے پرکاش، صابر حسین قائم خوانی، صلاح الدین اتے سائرہ بانو شامل ہن۔ ایں موقع تے وزیراعظم دے معاون خصوصی نعیم الحق، ارشد داد، سیف اﷲ نیازی وی موجود ہن۔ ملاقات اچ صوبہ سندھ دی مجموعی صورتحال، صوبہ اچ وفاقی حکومت دے ترقیاتی منصوبیں اتے صوبے دے لوکیں کوں درپیش مسئلیاں تے گالھ مہاڑ کیتی گی ۔ قومی اسمبلی دے ارکاناں معاشی استحکام، بجٹ 2019-20ءاتے وزیراعظم دے گزریل رات دے قوم توں خطاب دی تعریف کیتی ،جیندے اچ وزیراعظم قومی اہمیت اتے اہم مسئلیاں تے قوم کوں اعتماد اچ گھدا۔ ارکاناں وزیراعظم کو ں اپنڑے حلقیاں اچ درپیش مسئلیاں بارے ڈسایا ۔