اسلام آباد ۔ 12 جون (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو عوامی وزیراعظم قوم نال دل دی گال کرتے انہاں دے دل جت گھدن۔عمران خان دا قوم نال خطاب قوم دی آواز اے ،حکومت متوازن بجٹ پیش کیتے جیرھا جو معیشت دے استحکام تے ترقی کیتے نویں دروازے کھولیسی۔بدھ کوں اپنڑے ٹویٹ اچ وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو عوام دا درد تے احساس وزیراعظم دی تقریر دا بنیادی نطقہ ہئی ۔انہاں آکھیے جو ملک تے قوم تے مسلط ڈو خاندان دے استحصالی راج تے کاری ضرب لاتے حقیقی عوامی تبدیلی گھن آونڑ دانہاں دا عظیم کارنامہ اے ۔ ڈاکٹر فردوس عاشق اعوان آکھیے جو ٹیکس وصولی دی مجوزہ پالیس موثر ہوسی، صحت و تعلیم اچ بہتری دا منصوبہ لائق تحسین اے۔ انہاں آکھیا سرکاری ملازماں دیاں تنخواہیں اچ ودھارے تے وزیراں دیاں تنخواہیں اچ کمی تاریخی فیصلے ہن ۔
