زرعی شعبہ دی ترقی سانگے 280 ارب روپے دا پنج سال دا پروگرام شروع کیتا ویسی‘ وزیر مملکت ریونیو حماد اظہر

اسلام آباد ۔ 11 جون (اے پی پی)زرعی شعبہ دی ترقی سانگے 280 ارب روپے دا پنج سال دا پروگرام شروع کیتا ویسی تاں جو ایں شعبہ دی کارکردگی اچ ودھارا یقینی بنڑایا ونج جا سگے ۔ منگل کوں قومی اسمبلی اچ آندے مالی سال 2019-20ءدا بجٹ پیش کریندے ہوئیں وزیر مملکت ریونیو حماد اظہر آکھیا جو پانڑیں دی ودھ پیداوار حاصل کرنڑ سانگے پانڑیں دے بنیادی ڈھانچے کوں ٹھیک بنڑایا ویسی،تاں جو آبپاشی دے پانڑیں دی بچت کیتی ونج جا سگے جیندے کیتے 218 ارب دے منصوبیں تے کم کیتا ویسی۔ انہاں آکھیا جو کنڑک، چاول، گنے اتے پھٹی دی فی ایکڑ پیداوار اچ ودھارے سانگے 44.8 ارب روپے ڈتے ویسن۔ ایندے علاوہ مچھی توں فائدے گھنڑ سانگے کیکڑے اتے ٹھڈھے پانڑیں دی ٹراﺅٹ دی فارمنگ دے منصوبیں سانگے 9.3 ارب روپے ڈتے ویسن۔ انہاں آکھیا جو چھوٹے اتے درمیانے درجے دے کساناں سانگے گھریلو مرغیاں اتے منجھیں کٹے کٹیاں پالنڑ دی حوصلہ افزائی سانگے 5.6 ارب روپے ڈتے گن۔ آندے مالی سال 2019-20ءدے بجٹ اچ زرعی شعبہ دی ترقی دے حوالے نال کیتے گئے اقدامات تے روشنی پیندے ہوئیں وزیر مملکت آکھیا جو کاشتکاراں کو ںزرعی ٹیوب ویل تے 6.85 روپے فی یونٹ دے حساب نال رعایتی بجلی ڈتی ویسی۔ انہاں آکھیا جو بلوچستان دے کساناں سانگے وفاقی اتے صوبائی حکومتاں 40:60 دے تناسب نال سانجھی سکیم شروع کیتی ہے،جیندے تحت کسان توں صرف 10 ہزار روپے ماہانہ بل وصول کیتا ویندے اتے 75 ہزار روپے تئیں دا ودھ بل وفاقی اتے صوبائی حکومتاں ڈیندیاں ہن۔ انہاں آکھیا جو کاشتکار طبقے دے نقصان کوں گھٹ توں گھٹ کرنڑ سانگے فصلاں دی انشورنس سکیم متعارف کرائی ویسی اتے چھوٹے کسان کیتے فصل خراب ہونڑ دی صورت اچ نقصان دی تلافی سانگے انشورنس سکیم ڈتی ویندی پی ہے۔ ایں مقصد سانگے بجٹ 2019-20ءاچ 2.5 ارب روپے رکھنڑ دی تجویز ہے۔