سینیٹ اجلاس بدھ دی سویل ساڈھے چار تئیں ملتوی

اسلام آباد ۔ 18 جون (اے پی پی)سینیٹ اچ حکومت اتے اپوزیشن دے شدید احتجاج تے ڈپٹی چیئرمین اجلاس اج بدھ دے تریجھے پہر ساڈھے چار تئیں ملتوی کرڈٹے۔منگل کوں سینیٹ دے اجلاس اچ سینیٹر مولانا عطاءالرحمان دی تقریر تے حکومتی اتے اپوزیشن ارکان اچ جھیڑا تھی گیا جیں تے چیئرمین اجلاس 15منٹ کیتے ملتوی کیتا ہئی۔بعد اچ اجلاس شروع تھیا تاں سینیٹر بہرہ مند تنگی بجٹ تے تقریر ولا شروع کیتی تاں مولانا عطاءالرحمان ولا ایوان اچ کھڑے تھی گے تے بغیر مائیک الاونڑ شروع کر ڈتا جیں تے ڈپٹی چیئرمین توں مطالبہ کیتا گیا جو میکوں تقریر پوری کرنڑ دا موقع ڈتا ونجے۔ڈپٹی چیئرمین آکھیا جو تساں گال کرگھدی اے ہنڑ مائیک بہرہ مند تنگی ڈے ہے انہاں کوں گال کرنڑ ڈیو لیکن مولانا عطاءالرحمان گال کرنڑ تے تلیے رہیے ،انہاں ولوں مائیک دے بغیر الونڑ تے حکومتی ارکان وی سخت احتجاج کیتا ۔ ڈپٹی چیئرمین آکھیا جو ایجھی صورتحال اچ اجلاس جاری نی رکھیا ونج سگدا ،انہاں ولا ولا مولانا عطاالرحمان توںدرخواست کیتی جو بہرہ مند تنگی کوں الاونڑ ڈیو لیکن مولانا عطاءالرحمان تقریر کرنر تے ضد کریندے رہیے ۔ ڈپٹی چیئرمین اجلاس بدھ دے ڈینھ ساڈھے چار وجے تئیں ملتوی کرڈتا ۔