اسلام آباد ۔ 12 جون (اے پی پی) شنگھائی تعاون تنظیم(ایس سی او)دا19واں سربراہ اجلاس (اج)خمیس توں کرغزستان دے دارالحکومت بشکیک اچ شروع تھیسی۔ ڈو ڈینھاں دے سربراہ اجلاس اچ روس دے صدر ولادی میر پوتن، چینی صدر زی جن پنگ،وزیر اعظم عمران خان اتے بھارتی وزیر اعظم نریند مودی سمیت رکن ملکاں دے بئے سربراہان شرکت کریسن۔ چین اتے امریکا وچال عالمی تجارتی جنگ دے ایں موقع تے ایس سی او سربراہ اجلاس خصوصی اہمیت رکھیندے ۔ایندے علاوہ اجلاس اچ عالمی تجارتی جنگ،ایران ،روس تے امریکی پابندیاں، دہشت گردی اتے پاک بھارت تعلقات سمیت بئے امور تے گالھ مہاڑ کیتی ویسی۔ اجلاس دے موقع تے 14جون کو ںوزیر اعظم عمران خان اتے روسی صدر ولادیمیر پوتن وچال ملاقات متوقع ہے ،جیرھی جو پاکستان کیتے وڈی سفارتی کامیابی ہے۔ سفارتی ذرائع مطابق روسی سفارتخانے دفتر خارجہ کوں ڈوہائیں رہنماواں وچال باضابطہ ملاقات بارے ڈسا چھوڑے ۔وزیر خارجہ شاہ محمود قریشی اتے بئے متعلقہ حکام وی ایں موقع تے موجود ہو سن۔
