اسلام آباد ۔ 13 جون (اے پی پی)وزیر خارجہ مخدوم شاہ محمود قریشی آکھیے جو شنگھائی تعاون تنظیم دے سربراہ اجلاس دا بنیادی مقصد خطے دی اقتصادی حالت اتے سکیورٹی کوں چنگا بناونر سانگے سانجھا تعاون توں متعلق اقدامات دا جائزہ گھنڑہے ۔ خمیس کوں بشکیک روانہ تھیونڑ توں پہلے میڈیا نال گالھ مہاڑکریندے ہوئیں وزیر خارجہ آکھیا جوبشکک 2ڈینھاں داایس سی او دا سربراہی سطح دااجلاس ہے جیندے اچ اہم ملک شرکت کر یندے پن،جنہاں اچ روس، چین، پاکستان اتے بھارت وی شامل ہن۔ انہاں آکھیا جو اجلاس دا بنیادی مقصد ایہ ڈیکھنڑ ہے جو اساں خطے دی اقتصادی حالت اتے سکیورٹی ٹھیک کرنڑ سانگے سانجھے تعاون کیتے اقدامات کر سگدوں۔ ایں سلسلہ اچ کجھ ڈینھ پہلے ایس سی او دی وزراءخارجہ کونسل دا اجلاس تھیا۔ ایں اجلاس اچ اساں سربراہی سطح دے اجلاس سانگے کجھ مشورے ڈتے ہن ،جیرھا جو ہنڑ سربراہی سطح دی قیادت دے سامنڑے رکھے ویسن،جیندے تے اوہ اپنڑاں فیصلہ ڈیسن۔ ایں موقع تے وزیراعظم عمران خان دی بئے ملکاں دی قیادت نال ملاقاتاں اتے مشورے و ی تھیسن ۔
