صدرمملکت ڈاکٹر عارف علوی چین دی پیپلز لبریشن آرمی گراﺅنڈ فورس دے کمانڈر جنرل ہان ویگیو کوں ”نشان امتیاز“( عسکری) عطاءکرڈتا

President Dr. Arif Alvi conferring Hilal-e-Imtiaz (Military) upon Commander of the People’s Liberation Army (PLA) Ground Force of China General Han Weiguo at the Aiwan-e-Sadr, Islamabad on June 18, 2019.

اسلام آباد ۔ 18 جون (اے پی پی) صدرمملکت ڈاکٹر عارف علوی پاک چین تعلقات کوں سارے شعبہ جات اچ نویں بلندیاں تے گھن ونجنڑ دے عزم دا اظہار کریندے ہوئیں چین دی پیپلز لبریشن آرمی گراﺅنڈ فورس دے کمانڈر جنرل ہان ویگیو کوں ”نشان امتیاز“( عسکری) عطاءکیتے۔ ایں سلسلے اچ منگل کوں ایوان صدر اچ تقسیم اعزاز دی خصوصی تقریب منعقد تھئی ۔بعد اچ جنرل ہان ویگیو صدرمملکت نال ملاقات کیتی۔ ایں موقع تے صدر ڈاکٹر عارف علوی جنرل ہان ویگیو کوں مبارخ ڈیندے ہوئیں ڈوہیں ملکاں وچال سانجھے تعلقات کوں سارے شعبہ جات اچ نویں بلندیاں تے گھن ونجنڑ دے عزم دا اظہار کیتا ۔انہان آکھیا جو پاکستان اتے چین سدا بہار اتے آزمودہ دوست ہن تے پاکستان چین کوں ’آئرن برادر“ تصور کریندے۔پاکستان دی خارجہ پالیسی اچ پاک چین دوستی دی اہمیت کوں اجاگر کریندے ہوئیں صدرآکھیا جو ڈوہیں ملکاں وچال دفاعی تے اقتصادی رابطے اچ امن تے استحکام دے قیام کےتے ناگزیر ہن ۔انہاں اج دی دنیا اچ ڈیجیٹل اکانومی اتے سائبر سکیورٹی دی اہمیت کوں اجاگرکریندے ہوئیں سائبر سپیس اچ ابھردے وہئے چیلنج نال نبڑنر کیتے ڈوہیں برادر ملکاں وچال نیڑے تعاون دی ضرورت تے زور ڈتا ۔ جنرل ہان ویگیو نشان امتیاز(عسکری) عطا کرنڑتے صدرمملکت دا شکریہ ادا کیتا ۔