صدر مملکت ڈاکٹر عارف علوی دی روس دے صدر ولادی میر پیوٹن کوں روسی فیڈریشن دے قومی ڈینھ دے موقع تے مبارخباد

اسلام آباد ۔ 11 جون (اے پی پی) صدر مملکت ڈاکٹر عارف علوی روسی صدر ولادی میر پیوٹن کوں روسی فیڈریشن دے قومی ڈینھ دے موقع تے مبارخبا د ڈتی ہے۔ اپنڑے روسی ہم منصب دے ناں تہنیتی خط اچ صدر مملکت آکھیا پاکستان اتے روس وچال چنگے اتے یاری آلے تعلقات ہن ،جیرھا جو سانجھا احترام اتے امن و استحکام دے سانجھا مفادات تے قئم ہن۔ صدر مملکت آکھیا جو پاکستان روس کوں چنگا یار سمجھدے اتے ایندے نال عوای فائدے سانگے سارے شعبیں اچ مضبوط، بامقصد اتے کثیر الجہتی تزویراتی پارٹنر شپ دی خواہش رکھیندے۔ صدر عارف علوی روسی فیڈریشن دے صدر اتے عوام دی ترقی تے خوشحالی سانگے نیک خواہشات دا اظہار کیتا۔