قومی خزانہ بے رحمی نال لٹنڑ آلے پٹرول دا مل ودھنڑ تے مگرمچھ دے ہنجو وھیندے پین،وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان دا اپوزیشن رہنماواں دے بیانات تے ردعمل

اسلام آباد ۔ یکم جون (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان اپوزیشن رہنماواں دے بیاناں تے ولدا ڈیندے آکھیے جو قومی خزانہ بے رحمی نال لٹنڑ آلے پٹرول دا مل ودھنڑ تے مگرمچھ دے ہنجو وھیندے پین،اگست توں ہنڑ تئیں حکومت عوام کوں پیٹرولیم مصنوعات اچ سوکھ ڈیونڑ کیتے 60 ارب روپے تون ودھ دی سبسڈی ڈے چکی اے۔خطے دے ملکاں دے مقابلے اچ پاکستان اچ پٹرولیم دیاں قیمتاں اچ گھٹ ودھارا کیتا گئے۔انہاںا ٓکھیے جو عوام دا تیل کڈھنڑ آلی ن لیگ حقائق جانڑدے ہوئے وی سیاست کریندی پئی اے،اے لوک عوام کوں بھڑکاونر کیتے منافقت دی سیاست کریندے پین،جیکر اقتدار دے بھکے اے لوک سچے ہوندے تاں اج ملک دی اے حالت نہ ہوندی، کرپشن کنگز پاروں قومی اتے جمہوریت ہمیشہ خسارے اچ رہین،اے لوک اپنڑے بالاں دا مستقبل سنوریندے رہین جڈاں جو قوم دے بال اندھارے ہاپ تھی گین،انہاں دا ہکو ایجنڈا اے جو ’ مال بچاواتے تیکھے تیکھے نس ونجو‘۔