سیالکوٹ۔ یکم جون (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو لاپتہ اپوزیشن لیڈر دا لندن دے ٹھڈے ماحول اچ بہہ تے پاکستان دے عوام دے ڈکھ درد دا واویلا کہیں مذاق توں گھٹ گالھ نئیں، وزیراعظم عمران خان پاکستان دی زخمی معیشت دی بحالی کیتے کم کریندے پین،بہوں تیکھے پاکستانی معیشت اپنرے پیریں تے کھڑی تھی تے ترقی اتے خوشحالی دے رستے تے آ ویسی۔اے گالھ انہاں سیالکوٹ اچ ہک افطار نال خطاب کریندے آکھی۔انہاںا ٓکھیا جو مسلم لیگ (ن) اتے پیپلزپارٹی جیہڑی بے رحمی نال مال کھادے اتے قومی خزانہ شیر مادر سمجھ تے ڈکاریے ایندے نال ملک اتے قوم ڈوہیں زخمی ہین ۔انہاںا ٓکھیے جیکر لانچاں ، لاکرز، گھریلو ملازمین، پاپڑ، ریڑھی اتے فالودے آلیاں دے اکاﺅنٹس نہ بھریندے تاں اج ملکی معیشت چنگی ہوندی،ملک و قوم دا تیل کڈھنڑ آلی کرپشن الیون دے کھلاڑی عوامی جذبات نال کھیڈ تے اپنڑے سارے گناہ بخشواونڑ چاہندن،او ڈینہہا ٓونڑ آلا اے جڈاں پاکستان ترقی و خوشحالی دا پندھ کر تے جگ اچ اپنڑی باوقار سنجانڑ بنڑیسی،عوام دے ڈاکھ درد دا ازالہ ساڈی اگونہی ترجیح اے۔
