اسلام آباد ۔ 20 جون (اے پی پی) اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان خمیس کوں تقریب توں خطاب کریندے ہوئیں آکھیا جو کوئی ملک دنیا اچ اوں ویلھا تئیں ترقی نی کر سگدا جڈاں تئیں حقوق اتے فرائض برابر نہ تھیونڑ ‘ جڈاں تئیں آجر اتے اجیروچال اتفاق کائناں تھیسی، وڈے فیصلے نی تھی سگدے۔ انہاں آکھیا جو پاکستان کو ں قائد دے خواب دی تعبیر یونڑ چاہندوں‘ پاکستان کوں ترقی یافتہ اتے بہترین ملک بناونڑ سانگے میڈیا داتعاون چاہیدے۔انہاں آکھیا جو میڈیا تے پبلک سروس میسج ہک ذمہ داری ہے۔ ہنڑ تئیں میڈیا تے پبلک سروس میسج کو ں ٹھیک طرح نشر نی کیتا گیا جیویں اینکوں کرنڑ چاہیدا ہا ۔انہاں آکھیا جو حکومت اپنڑیاں ذمہ داریاں پوری کریندے ہوئیں پبلک سروس میسج چلائے۔ انہاں آکھیا جو آزادی اظہار رائے ہر پاکستانی دا حق ہے۔ حکومت پیغام کو ںہر شہری تئیں پجاونڑ سانگے تعاون کر یندی پی ہے۔انہاں آکھیا جو میں اپنڑے گزریل دور اچ وزارت اطلاعات اچ انفارمیشن ڈائریکٹوریٹ بنڑایا۔ انہاں آکھیا جو شعبہ اطلاعات اچ جدت گھن آونڑصدر ڈاکٹر عارف علوی دا وژن ہے۔ ماضی اچ دنیا اندر پاکستان دا منفی تاثرڈتا گیا۔ عالمی سطح تے میڈیا دی مدد نال پاکستان دا چنگا مثبت تشخص اجاگر کیتا ونج جا سگدے۔
