ملک اچ صدارتی نظام دی کوئی جاہ کائنی بھل ہنڑ ولا نوازشریف دی حکومت آسی ناں زرداری دی،شیخ رشید

APP06-15 LAHORE: June 15 – Federal Minister for Railways, Sheikh Rashid Ahmad talking to media at Lahore Railways Headquarter on Saturday. APP

لاہور۔15 جون(اے پی پی )وفاقی وزیر ریلوے شیخ رشید احمد آکھیے جو ملک اچ صدارتی نظام دی کوئی جاہ کائنی بھل ہنڑ ولا نوازشریف دی حکومت آسی ناں زرداری دی،ڈھیل ضرور اے بھل ڈیل دا دور مک چکیے،سابق صدر اتے وزیر اعظم دا ہکے ویلھے جیل اچ ہوونڑ ہک ریکارڈ اے،بلاول کوں بہوں شوق اتے تاں پہلے اپنڑے پیو اتے بوا دے خلاف تحریک چلاون۔اے گالھ وفاقی وزیر ریلوے شیخ رشید احمد لاہور اچ میڈیا نال گالھ مہار کریندے آکھی۔انہاںا ٓکھیا جو کرپٹ سیاستداناں دیاں نسلاں کوں وی لٹی گئی دولت نہ ملسی،آصف زرداری دے خلاف اہم گواہ موجودہین، شہباز شریف اتے حمزہ شہباز تے وی سنگین الزامات ہین،آندے 15 ڈینہ اچ بیاں گرفتاریاں تھیونڑن۔انہاںا ٓکھیے جوہنڑ اساں راولپنڈی ، لاہور ، کراچی ، حیدرآباد ٹو سکھر کیتے ایم ایل ون نال ہائی سپیڈ ٹرین سانگے بی او ٹی دی بنیاد رتے ٹینڈر ڈیندے پئے ہیں، ایم ایل ون،ڈو یونیورسٹیاں ،راولپنڈی اچ ماں بچہ ہسپتال اتے نالہ لئی سودھے بئے سارے منصوبے تیکھے مکمل تھی ویسن،لاہور اچ ہک مہینے اچ کمانڈ اینڈ کنٹرول سسٹم تے کم شروع تھی ویسی،ریلوے اچ جدید ٹیکنالوجی آونڑ نال لوکاں کون بہوں سوکھ تھیسی،مسافراں دے سوکھ کیتے یوفون دے 220 کال سینٹر ز ٹکٹ بک کرسگسن،گاڈیاں اچ وائی فائی اتے ٹریکر سسٹم لائے ویندے پین،وزیراعظم عمران خان 30 جون کوں سرسید ایکسپریس دا افتتاح کریسن جیہڑی فیصل آبادتوں راولپنڈی اتے راولپنڈی توں نان سٹاپ فیصل آباداتے اتھو کراچی ویسی۔