اقوام متحدہ۔ 26 جون (اے پی پی)اقوام متحدہ اچ پاکستان دی سفیر ملیحہ لودھی نیو یارک اچ اقوام متحدہ دے ہیڈ کوارٹرز اچ یو این آر ڈبلیو اے دے اجلاس نال خطاب کریندے ہوئیں آکھیے جو فلسطینیاں کےتے پاکستان دا عزم مضبوط اتے پائیدار اے، مکہ المکرمہ اچ او آئی سی دے سربراہ اجلاس اچ وزیر اعظم عمران خان فلسطینی نصب العین کیتے پاکستان دی واضح حمایت دا اعادہ کیتے ، امن دے سواکوئی بیا رستہ کائنی ، اساں امید تے دعا کریندوں جو نویں فلسطینی ریاست وختی وجود اچ آوے تے فلسطینی پناہ گزین اپنڑے گھراں کوں واپس آونجن تے اقوام متحدہ دے ادارہ برائے امداد وتعمیرات( یو این آر ڈبلیو اے) دے مقصد دی تکمیل دے بعد ایندی ضرورت ہی نہ رہسی تے پاکستان اوں وقت تئیں فلسطینی کاز تے یو این آر ڈبلیو اے نال وابستہ رہسی۔ایندے توں پہلے اقوام متحدہ دے سیکرٹری جنر ل انتونیو گوئترس خطاب کریندے ہوئیں آکھیا جو ہک سال پہلے ٹرمپ انتظامیہ یو این آر ڈبلیو اے کیتے فنڈز روک ڈتے ہن جیں دی وجہ توں اے ادارہ سنگین مالی بحران دا شکار تھی گیا ہئی جنہاں آکھیا ہئی جو یو این آر ڈبلیو اے کوں ختم کر ڈیونڑاں چاہیدے ۔ سیکرٹری جنرل امریکی صدر دی منظق کوں مسترد کریندے ہوئیں آکھیا جو امدادی اداریں کوں آکھیا گے جو او اگی تے آون تے یو این آر ڈبلیو اے کیتے امداد جاری رکھن۔
